شاعر الغلابة

ولكننى صعلوك ابن حاره مصرية ليس لي صاحب ساختفي فجاه كما ظهرت فجاه فحاول انا تتذكرني
 
الرئيسيةاليوميةس .و .جبحـثالأعضاءالمجموعاتالتسجيلدخول

شاطر | 
 

 قبل 25 يناير

اذهب الى الأسفل 
كاتب الموضوعرسالة
Admin
Admin


المساهمات : 5
تاريخ التسجيل : 25/06/2012

مُساهمةموضوع: قبل 25 يناير   الأربعاء يونيو 27, 2012 5:33 am

قبل 25 يناير
أنا كنُت تافه أنا كنُت سلبي
كنُت لما أقول بحبك يا بلدي
كنُت أقولها .بس مش من قلبي
كنُت أشوف الظالم
ع المظلوم بيجور وأسكت وأخبي
والقاتل واقف يأخد عزاء المقتول
وأقول عجبنى ماهو غصب عنى
قبل 25 يناير
أنا كنُت تافه أنا كنُت سلبي
ويوم 25 كنُت ماشي في المظاهره
والمظاهره واضحه وظاهره
إنها سلميه وطاهره
والكل ماشي يقول
الشعب يريد إسقاط النظام
الشعب يريد إسقاط النظام
كان علي يميني
واحده ست عجوزه بضهرها المحني
بتقول 30 سنه وإنته مقضيها كلام
لأ كفايه ولأ حرام
الشعب يريد إسقاط النظام
الشعب يريد إسقاط النظام
واللي ماشي في المظاهره
طفل صغير شايل علم
وطالب معاه كراس وقلم
ومريض بيصرخ من الألم
وشاب كان معتقل وإتظلم
والكل بيردد
الشعب يريد إسقاط النظام
الشعب يريد إسقاط النظام
ولقيتهم شالوني ع الكتاف
وقالولي قول وعلي الهتاف
قولت ح أقول ومش ح أخاف
أنا المصري


أنا المصري

اللي شارب من نيلها
ومحفور ع جيبني جميلها
أنا اللي شارب ويلها
مين غيري فنارها ودليلها
مين غيري القمره في ليلها
مين غيري علي كتافه يشيلها
يسيب الدنيا بحالها ويجيلها
مين غيري يسهر الليل
يناجي ربه ويدعيلها
أنا المصري
حكموكي يا بلدي بحد السيف
وباعوكي يا بلدي في قعده كيف
ومالوكي يا بلدي بالزور والزيف
خلوا اُم شهيدك تفرش ع الرصيف
تشحت من العالم نص رغيف
حكموا فينا الغريب
وياريتهم بيعاملوني معامله ضيف
ودخلنا الميدان والضرب كان شغال
عمال علي بطال من اليمين والشمال
والدم علي الآرض سال
صرخت بعلو صوتي حرااااااااااااااام
رد العادلي من مكتبه حلال !
إضرب يا جندي ونشن تمام
علي اللي بيقول إسقاط النظام
إضرب يا جندي
إضرب يا جندي
وقف الجندي مذهول
إضرب يا جندي
غصب عنه الجندي سمع الكلام
ضرب الجندي وسقط النظام
وإضرب متضرب ضربك
ميحرك فيا شي
إضربني بالدخان والمآيه
والمطاطي والحي
إن كان النهارده بتاعك
فبكره بتاعي جاي
وإن كان مات ضميرك
فرب العباد حي

وخونوني وقالوا إني خونتك
وإني بعتك وإني سيبتك ورميتك
وإني وإني وإني
طب لو أنا خونتك !!!!
طب مين حماكي ؟؟؟؟
ولو أنا بعتك !!!!
طب مين إشتراكي؟؟؟؟
وقالوا إني قبضت باليورو
وإني أكلت كنتاكي
إني عميل الأمريكان
وإني إدربت في إيران
طب تشهد علينا أرض الميدان
اللي دفتنا في ليالي البرد
تشهد عليهم الشُهدا
الشباب اللي فتح ورد
وعدت ايام وراء ايام وفى يوم من الايام سمعنا انه فى بيان بيان عمر سليمان
وسمعنا اللى كان نفسنا نسمعه من زمان من انهارده انت مامتش يا شهيد
انت مصرى اتولد من جديد
وانتى يا ام الشهيد ماتبكيش ابنك مات عشان بلدنا تعيش
هحط دمك يا شهيد على جبينى رافع راسى وعينى شاكر ربى ودينى انى انا مصرى
انى انا مصرى
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://sha3er.yoo7.com
 
قبل 25 يناير
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
شاعر الغلابة :: ابداعاتي من الشعر :: الشعر العربي-
انتقل الى: